Lagu Langgam Tembang Asmoro

Bowo:
Yen diudur ngelantur ngrusakke ati
Nadyan wis sepata tresnane luntur ngoncati
Tiwas andedawa lara

Langgam:
Yen luntura wenterane
Ora kaya yen luntur tresnane
Tekan-tekane atine
Kaya-kaya mung sak sire dhewe

Ora sembada mbiyene
Saben dina mung tansah methukne
Saben kepethuk tembunge
Angrerepa dadiya duweke

Ora maido kala mangsa mung sok gawe gela
Ewa semana nganti bisa anglunturke tresna

Ditambakna mrana-mrene
Tiwas-tiwas ndedawa larane
Nanging tamba sejatine
Ora liya mung awake dhewe